|
|
Sa sienda si sterrit in terra de Santu Ainju (VS) po sa prus parti in d-unu sartu tzerriau "S’argidda" (de ki pigat su nomini), cun d-una subrafaci prus o mancu de 27 etarus.
Is atras partis, fintzas a arribai prus o mancu a 43 etarus, funt spratzinadas in atrus logus, totus a intru de su propiu comunu, ki nanta "Campu ’e linus", "Grui", "S’arrideli", "Sa caudela" e "Su matutzu".
Una subrafaci de 24 etarus est ocupada de padentis de ocalitu, ulimu, ilixi, frassu e linnarbu.
Su centru siendali si podit sodigai cun facilesa, ca est a faci de sa S.S. 197 a su km 17,500, in su tretu ki allionjat Santu Ainju e Seddori, e stesiat prus o mancu 2 km de bidda.
|
|
|
|
"S’Argidda" est nasça in su 2002 po cumandai sa sienda cun sa tarea de ndi assusai e de ndi avalorai de prus is potentzialidadis.
Mi seu fatu spertu a manixai musunju e cosa de seminai, prus de totu loru, ki esprimint s'impunna naturali e istoriga de custa terra.
Tengiu puru un'ortu i unu vargeri pitikeddus, in prus de unas cantu de leguminis e spetzias.
Intr''e is ispetzias, unu kistionu a parti meresci sa produsidura de tzafaranu, ki, po is dodas suas de calidadi e nidesa, amostada puru de su marcu "Presidio Slow Food®", espressat su frori (est propiu de du nai...) in su trau de nosu.
|
|
