Produsidura de tzafaranu de Santu Ainju


Domu
Sa sienda
Tzafaranu
Propiedadis
Traballaduras
Umperu in coxina
Imboddicus
Slow Food e D.O.P.
Atrus produtus
Cuntatus
Acapius

	Italiano
	English

enas de tzafaranu

Intr''e totu su ki sa terra nosta est bona a produsi, seguramenti s'apubat su tzafaranu, sendi ki a Santu Ainju si manixat acant''e su 60% de su tzafaranu italianu.
Nosus du produceus de maneras biologicas, e prus de totu du lassaus in s'istadu naturali: is enas, est a nai is filus arrubius finis finis ki s'agatant a intru de su frori e ki funti sa prova de sa nidesa de su produtu (su pruini de tzafaranu si podit trastocai cun atras cosas).
Est po custu ki bastant cantidadis prus o mancu de sa mitadi ke cussas sinnadas in is arretzetas ki portant tzafaranu in pruini. Si pensit ki a is mamas nostas 1 gramu de tzafaranu bastat po cundiri 5 kilus de arrosu!

Su tzafaranu si pensat ki ndi bennit de s'Asia Minori, su nomini ndi bennit de su fueddu arabesu "za'faran" ("grogu"). Su dogumentu prus antigu ki ndi tistimonjat sa produsidura est unu paperi egitzianu de su seculu XV a.C.. Importau in Italia in tempus arromanu, fiat sparessiu de s'Europa po curpa de is invasionis barbaricas. Torrau a intrai in Ispagna gratzias a is cunkistadoris arabus (de su 961 p.C.), fiat torrau a si spainai in totu s'Europa. In su Mesuevu ndi fiat fatu un'umperu prus de totu mexinali mentris in su Rinascimentu iat akiriu su titulu finali de spetzia.
Fiat lompiu in Sardigna intr''e is seculus VI e IX gratzias a is paras basilianus, ki du umperant in sa liturgia e po colorai su tessiu.
Sa produsidura de tzafaranu in Santu Ainju fiat inghitzada fac''e su seculu XIII, si pensat gratzias a is Pisanus.
Su cumerçu si fiat amanniau meda de su seculu XVII, prus de totu a trevessu de "is tzafaranaias", feminas ki giránt po is biddas de su Cabejossu, ma de su Cabesusu puru (aundi si umperát cumenti coloranti de calincuna parti de su costumu traditzionali).

Equimediterranea Esponidura de su tzafaranu nostu cun sa Confagricoltura and'e sa Fiera Internatzionali de sa Sardigna de su 26 de cabudanni a su 2 de ladamini 2005	La provincia produce Mesi 'e idas 2005 ÷ 2011: esponidura de su tzafaranu nostu and'e sa Fiera Internatzionali de sa Sardigna (Casteddu)	Fiera campionaria Esponidura de su tzafaranu nostu and'e sa Fiera Internatzionali de sa Sardigna de su 27 de abrili a s'8 de maiu 2006	Biaxi a Berlino Atobiu cun comporadoris tedescus po promovi su tzafaranu nostu i atrus 9 produtus de su 4 a su 7 de arjolas 2006
Italia in tavola Su tzafaranu nostu a sa Fiera de Brescia de su 5 a su 8 de ladamini 2006 provau de grandu coxineris italianus cun atrus produtus italianus primorosus	Sardigna a is Harrods Atobiu cun gaseteris e comporadoris de totu su mundu po promovi su tzafaranu nostu i atrus produtus sardus a Londra su 23 de ladamini 2007	Salone del gusto Esponidura de su tzafaranu nostu i atrus produtus Slow Food a su Lingotto de Torino de su 23 a su 27 de ladamini 2008 e de su 21 a su 25 de ladamini 2010	Perugia Flower Show Maggio 2010 ÷ 2011: esponidura de su tzafaranu nostu and'e su Perugia Flower Show
ExpoItalia Esponidura de su tzafaranu nostu and'e s'ExpoItalia de Bruxelles de su 20 a su 23 de ladamini 2011 imparis cun atrus produtus italianus primorosus