|
Is enas funti, comenti eus giai nau medas bortas, sa prova de sa nidesa de su produtu. A kini no ddas at umperaus mai, nascint duas dudas, sa prima spetat cantus enas umperai: sa dosa ki cunsillaus est de 8 enas po dogna personi, ma a pustis de unu pagu de pratiga si podit fai chen'e contai... Sa segunda duda spetat s'umperu po coxinai. Is enas abbisonjant de unu traballeddu simpli i allestru, sa tiriadura. Si podit fai de medas maneras, innoi arrelataus is prus comunus e traditzionalis:
- cullera: si ponint is enas ki abbisonjant ind'una cullera, ki s'arrimat apitzus de sa fiama bassa de su forreddu po unus 20 segundus; aici turraus, si serrant ind'unu arrogu de paperi po forru e cun sa propiu cullera si pistant de manera de ddus tiriai;
- ferru 'e prençai: si serrat sa dosa de enas ki abbisonjat ind'unu arrogu de paperi po forru e si tiriant passendi asuba su ferru 'e prençai po unas 4 o 5 bortas, po acabai si scirfinant pistandeddus, po nai, cund'unu gorteddu.
|
|
