|
And'e nosu su tzafaranu tenit unu cicru de 4 annus. S'imprantu si tenit in cabudanni: traballada abundosamenti sa terra, sighiri su trassamentu de is surcus, aundi, in su propiu tempus, si ponint is concas.
A pustis de sa froridura de dognasanti in su campu abarrant is tiras de is prantixeddas finsas a abrili.
Fac''e s'acabu de maiu si fait una primu trinçadura de s'erba, ki a pustis si torrat a fai a s'acabu de cabudanni, cust'orta sighia de una fresadura pagu funduda po donai aria a sa terra antis de sa froridura noa.
A su de 4 annus, in s'inghitzu de cabudanni, si bogant is concas, si allikidint de is sipas finis finis ki das inserrant e si torrant a imprantai in d-un'atru campu. Difatis, sigumenti est unu manixu impoburadori meda, in is campus de aundi si funt bogadas is concas po 5 annus si intreverant atrus manixus ammellorantis, cumenti is leguminosas.
|
|
|
Totus is protzeduras de traballu si tenint ken''e s'ajudu de nisçuna makina e in s'arrespetu de is traditzionis antigas (si podit averiguai a personi puru pighendi parti in dognasantu a is medas scampirradas intr''e is campus froressius).
S'inghitzat boddendi a manu is froris, totus is menjanus fac''e unu mesi, candu, in is dis ki naraus "de su grofu" (de prus produsidura), s'impreat genti meda po medas oras.
A pustis in domu si spratzint is enas de sa sobra de su frori (in dogna frori ndi capint tres) e si fait "sa feidadura", est a nai ki si tocant cun is didus pagu pagu tingius in s'ollu de olia po dis donai prus luxentori e po das allogai mellus.
A s'acabada is enas si sicant a su soli o, in dis de tempus malu, acant''e sa tziminera.
Su tzafaranu si otenit cun grandu fatiga, e custa cosa ndi detzidit su pretziu e di fait godanjai a deretu su nominju de "oru arrubiu".
|
|
|
Boddidura
Si boddint is froris (sceti a manu) po unus cantu de oras...
|
Scateddus
Is scateddus cun sa buca strinta (aici is froris no bolant cun su bentu)
|
In domu
In domu si arrangiant is froris in sa mesa...
|
Scioberai is enas
... e si scioberant is enas finsas a noti
|
|
