atrus produtus biologicus

Cixiri biologicu
Sa variedadi ki manixaus de medas annus est sa "pascià", unu cixiri frunzìu de medida media.
Bellu siat po contornu ki de protagonista in medas arretzetas, su cixiri si ponit in sa noti a amoddiai in acua cun d-unu cucerinu de bicarbonau e sa dì sighenti si ponit a buddiri po un'orixedda.

Ortalitzia biologica
Totu s'annu manixaus medas variedadis de ortalitzia arrespetendi su tempus insoru: lattia, cançofa, tamatiga, pedringianu, piberoni, fenugu, cauli e caul'e frori, ecc..
In s'acabu de s'istadi coit sa crocoriga, de sa variedadi moscato di provenza a sa red kuri, de sa marina di chioggia a sa butternut...

Patata druci biologica
Sa patata druci, si umperat pagu in Europa, ma in s'arrestu de su mondu est unu sustentu importanti meda e de is ki fait prus profetu, cun croxu e follas, poita portat una grandu cantidadi de antiossidadoris e beta-caroteni.
Sa manera de da coxinai s'assimbillat a sa de sa patata crasica.
Manixaus is variedadis "beauregard" (prupa crara) e "murasaki" (morada).

Patata biologica
No podit amancai sa patata, ki seminaus, ki su tempus si du permitit, in s'acabu de friarju.
Manixaus prus ki totu sa "spunta", variedadi de prupa groga e tipìa, bona po das coi de donnya manera poita s'açupada prus pagu cun s'ollu, e sa "desirée", variedadi de prupa arrubia e farrosa, bella po fai sa purea.

Alkekenju biologicu
S'alkekenju est unu frutu grogu-aranju pitikeddu e saborìu inserrau aintru de is petalus e nadìu de Perù.
Tenit unu sabori cumenti ki fessit una tamatighedda druci e si podit umperai, a parti po du papai diretamenti, po du ponni in is trutas o po ndi fai marmelladas.

Meli
Pagu de prus ki po si spassiai, in s'asienda teneus calincunu casiddu ki si produsit unu pagu de meli.
Est unu meli millifroris, mancai, faci a su mes'e austu, custu millifroris s'assimbillat meda, de sabori e de colori, a unu meli bellu de ocalitu, poita in su costau s'agatat unu padenti mannu de ocalitus.